wrapper

Хабарҳо

ИОМДОА

ИОМДОА

Тарбияи ҷавонон дар рӯҳияи ватандӯстӣ

                           
     “Барои тар
ғиби васеи моҳияти истиқлолият ва озодӣ, соҳибватаниву соҳибдавлатӣ ва арзишҳои неки миллӣ тамоми зиёиёни мамлакат ва андешаи ҳар як сокини кишвар, бахусус, наврасону ҷавонони мамлакат мазмун ва моҳияти соҳибистиқлоливу озодиро ҳарчи бештар ҷой намоянд[1] Эмомалӣ Раҳмон Муфассал ...

Маҷлиси васеи Ҳукумати Ҷумҳурии Тоҷикистон

  20 январ дар бинои Ҳукумати Ҷумҳурии Тоҷикистон таҳти раёсати Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, Раиси Ҳукумати мамлакат муҳтарам Эмомалӣ Раҳмон маҷлиси васеи Ҳукумати Ҷумҳурии Тоҷикистон баргузор гардид. Дар ин бора аз Дафтари матбуоти Президенти кишвар иттилоъ доданд.

Тибқи иттилои манбаъ, дар кори маҷлис роҳбарият ва аъзои Ҳукумати кишвар, Дастгоҳи иҷроияи Президенти Ҷумҳурии Тоҷикистон ва воҳидҳои сохтории он, роҳбарони мақомоти марказии давлатӣ, идораҳои назди Президент ва Ҳукумат, корхонаю муассисаҳои ҷумҳуриявӣ, раисони вилоятҳо ва шаҳру ноҳияҳо, роҳбарони муассисаҳои олии таълимӣ, марказҳои татбиқи лоиҳаҳои давлатии сармоягузорӣ, бонкҳои давлатӣ ва саҳҳомӣ, рӯзномаю маҷаллаҳои расмӣ ва дигар шахсони масъул иштирок карданд.

Дар маҷлиси васеи Ҳукумати Ҷумҳурии Тоҷикистон нишондиҳандаҳои рушди иқтисодию иҷтимоии кишвар дар соли 2019 натиҷагирӣ ва вазифаҳои асосӣ барои соли 2020 муайян карда шуд.

Муфассал ...

Соли 2019 аз мавзеъҳои сайёҳии шаҳри Ҳисор 82 ҳазор сайёҳ дидан намуданд

               
      Шумораи меҳмонон ва сайёҳони дохилию хориҷӣ, ки аз мавзеъҳои таърихию фарҳангӣ, табиию экологӣ ва табобатии шаҳри Ҳисор дар давоми соли 2019 дидан намуданд, 82 ҳазор нафарро ташкил медҳиҳад, ки аз ин шумора 10 ҳозору 300 нафарро сайёҳони хориҷӣ ташкил медиҳанд, хабар медиҳад АМИТ «Ховар» бо истинод ба Кумитаи рушди сайёҳии назди Ҳукумати Ҷумҳурии Тоҷикистон.
     Тибқи иттилои манбаъ, «Дар партави дастуру ҳидоятҳои Асосгузори сулҳу Ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо ташаббуси Кумитаи рушди сайёҳӣ дар ҳамкорӣ бо мақомоти маҳаллӣ анҷом бо мақсади татбиқи ҳадафҳои Солҳои рушди деҳот, сайёҳӣ ва ҳунарҳои мардумӣ соли 2019 дар шаҳри Ҳисор чорабиниҳои зиёди тарғиботӣ баҳри бештар ҷалб намудани сайёҳони дохилию хориҷӣ роҳандозӣ шуданд. Аз ҷумла, бори нахуст дар миқси ҷумҳурӣ дар шаҳри Ҳисор, дар Мамнуъгоҳи таърихию фарҳангии «Қалъаи Ҳисор» бозори минтақавии ҳунармандӣ таҳти унвони «Бозори ҳунармандон» бо ҷалби ҳунармандони як қатор шаҳру ноҳияҳои тобеи марказ ташкил гардид», — илова намуд манбаъ.
       Бозори намоиш ва фурӯши ҳунарҳои мардумӣ бо ҷалби ҳунармандон рӯзҳои якшанбе ташкил ва гузаронида мешавад.
     Дар бозори мазкур ҳунармандон ҳунарҳои дастии худ, аз қабили борхалтаҳои занона бо рамзҳои миллӣ, ҷуздон барои наварўсон, тоқиҳои занона ва мардона, либосҳои пашмини табиӣ, асбобҳои рузгор, аз қабили табақҳои чубӣ, курпаву болиштҳо ва дастранҷи дигар намуди ҳунарҳо ба фурўш бароварда мешаванд.
                                                                                                                                              
     Маврид ба зикр аст, ки муҳимтарин ёдгории таърихие, ки намунаи зиндаи таърихи миллати тоҷикро ба ҷаҳониён муаррифӣ менамояд, ин «Қалъаи Ҳисор» мебошад, ки тавваҷуҳи сайёҳони хориҷиро ба худ ҷалб намудааст.
       Мамнуъгоҳи таърихии «Қалъаи Ҳисор» соли 2019-ум 40 ҳазору 977 нафар сайёҳро қабул намуд, ки аз ин шумора 8 ҳазору 824 нафарро сайёҳони хориҷӣ ташкил медиҳанд.
Аз Осорхонаи шаҳри Ҳисор дар соли 2019-ум 9 ҳазору 300 нафар дидан намудаанд.
      Айни замон дар самти сайёҳии табобатӣ дар ҳудуди шаҳр имкониятҳои фаровон мавҷуд буда, 6 осоишгоҳ фаъолият менамояд, ки дар сатҳи баланд ба сайёҳони дохилию хориҷӣ хизмат мерасонанд. Аз ҷумла, дар ҶДММ «Осоишгоҳи Сатурн» намудҳои зерини табобат роҳандозӣ шудааст: системаи гардиши хун, узвҳои нафаскашӣ, системаи асаб, системаи устуғонҳову мушакҳо, системаи эндокринологӣ, пуст ва насҷи зери пуст табобат гирифта мешавад. Осоишгоҳ дорои 40 ҳуҷра ва 120 кат мебошад. Дар давраи соли 2019 сайёҳони хориҷӣ аз давлатҳои Қазоқистон, Қирғизистон, Афғонистон, Россия, Бангладеш, Норвегия ва Ӯзбекистон дар ин макон ба истироҳату табобат фаро гирифта шуданд.
                                     
     Дар осоишгоҳи ҶДММ «Сангчашма», ки дар ҳудуди шаҳр мавҷуд аст, чунин табобатҳо гирифта мешаванд: системаи асаб, системаи устухону мушакҳо ва бофтаҳои пайвасткунанда, пуст ва насҷи зери пуст, касалиҳои занона ва дигар намуди бемориҳо табобат карда мешавад. Соли 2019 дар осоишгоҳ 27 ҳазор 833 нафар табобат гирифтанд, ки аз ин 1648 нафарро сайёҳони хориҷӣ ташкил медиҳад.
      Дар Осоишгоҳи «Чашмаи Шоҳамбарӣ» 368 нафар табобат гирифтанд. Имрӯз дар ҳудуди шаҳри Ҳисор 3 меҳмонхона ба сайёҳони дохилию хориҷӣ хизмат мерасонанд.
                             
      Дар ин давра ба минтақаи Ҳисор пресс-турҳо барои шабакаҳои телевизионҳои дохилӣ ва хориҷӣ, аз ҷумла Шабакаи якуми телевизиони Россия, ТВ «Поеахали» бо барномаи «Звуки всюду», шабакаи телевизионии НТВ-и  Россия бо барномаи «Поедем Поедим», Мир 24, «Ал-Ҷазира»-и давлати Қатар, шабакаи телевизиони Қазоқистон «Казах – ТВ», «Нейшнл Ҷеографик», ҳайати эҷодии рӯзномаи байналмилалии «Файнаншл Таймз» ва ғайраҳо ҷалб гардида, маводҳои ҷолиб оид ба захираҳои сайёҳии минтақа сабт ва намоиш дода шуданд.
      Ёдовар мешавем, ки дар ҳудуди шаҳри Ҳисор имрӯз зиёда аз 87 ёдгориҳои таърихӣ, аз ҷумла ёдгориҳои монументалӣ 8 адад, меъморӣ 12 адад ва археологӣ 67 адад мавҷуд мебошанд.
                                                                                                                    
 
 
 
 
Муфассал ...
 

Дар бораи мо

 Институти омӯзиши масъалаҳои давлатҳои Осиё ва Аврупо муассисаи навтаъсиси илмӣ-тадқиқотӣ буда, он бо Қарори Ҳукумати Ҷумҳурии Тоҷикистон аз 28 октябри соли 2016 №466 дар сохтори Академияи илмҳои Ҷумҳурии Тоҷикистон ташкил шудааст. Институти мазкур ягона муассисаи илмиест, ки ба омӯзиши сиёсат, иқтисоди ҷаҳон, афкори иҷтимоӣ, забон, адабиёт, таърих, ҷунбишҳои динию идеологӣ ва сиёсӣ, низоъҳои минтақавӣ дар кишварҳои Осиё, Аврупо ва Америка машғул мебошад. 

Самтҳои ҳамкорӣ

  • таҳқиқ ва таҳлили масъалаҳои вобаста ба сиёсат, иқтисодиёт, иҷтимоиёт, тамаддун, фарҳанг ва забони кишварҳои хориҷӣ аз нигоҳи илми муосир;
  • омӯзиши масъалаи рушди иҷтимоӣ-сиёсӣ, сохтори идоракунӣ, сисёсати инноватсионии давлатҳои хориҷӣ;
  • ташкили конференсияҳои илмӣ, семинарҳо ва мизҳои мудаввар дар мавзӯъҳои гуногун;
  • ташкили курсҳои кӯтоҳмуддат ва дарозмуддати забономӯзӣ.
Copyright © 2020 Институти омӯзиши масъалаҳои давлатҳои Осиё ва Аврупо. All Rights Reserved. Designed by IBlove
http://www.zoofirma.ru/