Ҳамоиш: Дурнамои ҳамкориҳо миёни Тоҷикистон ва Ӯзбекистон

   2 марти соли 2018 дар Институти омӯзиши масъалаҳои давлатҳои Осиё ва Аврупои Академияи илмҳои Ҷумҳурии Тоҷикистон бахшида ба сафари расмии Президенти Ҷумҳурии Ӯзбекистон ба Ҷумҳурии Тоҷикистон, таҳти унвони “Дурнамои ҳамкориҳо миёни Ҷумҳурии Тоҷикистон ва Ҷумҳурии Ӯзбекистон”, мизи мудаввар баргузор гардид. Олимону муҳаққиқон фикру андешаҳои хешро оид ба вазъи кунунӣ ва дурнамои муносибатҳо байни ду кишвар, ки хеле муҳим ва саривақтӣ арзёбӣ мегардад, иброз намуданд.

   Ҳамоишро директори Институт, Ниёзӣ Ёрмаҳмад Бобо ифтитоҳ намуда, оид ба муҳим ва барои ду миллати ҳамсоя, тақдирсоз будани сафари Президенти Ҷумҳурии Ӯзбекистон,  Шавкат Мирзиёев, суханронӣ намуд.

   Саркотиби илмии Академияи илмҳои Ҷумҳурии Тоҷикистон, Қосимшо Искандаров муфассал оид ба татбирҳои Ҳукумати Ҷумҳурии Тоҷикистон вобаста ба истиқбол ва вохӯриҳои дуҷонибаи сарони ду давлат суханронӣ намуда, иқдоми роҳбарияти Институтро оид ба баргузории чунин мизи мудаввар, саривақтӣ ва муҳим арзёбӣ намуд.

Айнишиносӣ дар Ҳиндустон

   27-уми феврали соли равон, дар Институти омӯзиши масъалаҳои давлатҳои Осиё ва Аврупои Академияи илмҳои Ҷумҳурии Тоҷикистон бо иштироки директори Институт, Ниёзӣ Ёрмаҳмад Бобо, сафири Ҳиндустон дар Тоҷикистон, Сомнатҳ Гҳош, раиси ҷамъияти дустии Тоҷикистону Ҳиндустон, Ҳабибулло Раҷабов ва доираи васеи магистрону аспирантон ҳафтумин лексияи ҷашнии «Ҳиндустону Тоҷикистон: 25 соли дӯстӣ» дар мавзӯи «Айнишиносӣ дар Ҳинд» баргузор гардид.

Ташрифи ҳайати Донишгоҳи Имом Муҳаммад ибн Сауд ба Институт

   23 феврали соли 2018, дар Институти омӯзиши масъалаҳои давлатҳои Осиё ва Аврупои Академияи илмҳои Ҷумҳурии Тоҷикистон бо ҳайати намояндагони раёсати Донишгоҳи Имом Муҳаммад ибн Сауд, муовини ректори донишгоҳ доктор Муҳаммад ибн Саид аз-Заҳронӣ ва мушовир-сарпарасти кулли Сарраёсати ҳамкориҳои байналмилалии ин Донишгоҳ доктор Муҳаммад ибн Митъаб ал-Утайбӣ ҷаласа баргузор гардид. Ҳайатро сафири фавқулода ва мухтори Арабистони Саудӣ дар Ҷумҳурии Тоҷикистон Абдулазиз ибн Муҳаммад ал-Бодӣ ҳамроҳӣ мекард.

Эълон! Cеминар: Айнишиносӣ дар Ҳинд

   Ба таваҷҷуҳи донишмандон, пажӯҳишгарон ва хоҳишмандон расонида мешавад,  ки 27-уми феврали соли 2018 соати 10:00 бо ибтикори Институти омӯзиши масъалаҳои давлатҳои Осиё ва Аврупои Академияи илмҳои Ҷумҳурии Тоҷикистон ва сафорати Ҳиндустон дар Ҷумҳурии Тоҷикистон ҳафтумин лексияи ҷашнии «Ҳиндустону Тоҷикистон: 25 соли дӯстӣ» дар мавзӯи «Айнишиносӣ дар Ҳинд» баргузор мегардад.