wrapper

Хабарҳо

Конференсияҳо

КОНФЕРЕНСИЯИ БАЙНАЛМИЛАЛӢ: САҲМИ АКАДЕМИК БАРТОЛД В.В. ДАР ОМӮЗИШИ ТАЪРИХ ВА ТАМАДДУНИ ОСИЁИ МАРКАЗӢ

   Академияи илмҳоии Ҷумҳурии Тоҷикистон ва Институти омӯзиши масъалаҳои давлатҳои Осиё ва Аврупо иттилоъ медиҳанд, ки 28 –уми июни соли 2019 Конференсияи байналмилалӣ дар мавзӯи «Саҳми академик Бартолд В.В. дар омӯзиши таърих ва тамаддуни Осиёи Марказӣ» баргузор мегардад. Муфассал ...
Хондан 527 маротиба
Баҳодиҳии мавод
(0 Овозҳо)

БАРГУЗОРИИ КОНФЕРЕНСИЯИ БАЙНАЛМИЛАЛИИ ИЛМӢ ТАҲТИ УНВОНИ “МАСЪАЛАҲОИ МУБРАМИ ШАРҚИ НАЗДИК ВА МИЁНА: РАВАНДИ СУЛҲОФАРИНӢ ВА МУБОРИЗА БО ТЕРРОРИЗМ”

   Институти омӯзиши масъалаҳои давлатҳои Осиё ва Аврупои Академияи илмҳои Ҷумҳурии Тоҷикистон 2 -уми майи соли 2019, Конференсияи байналмилалии илмӣ таҳти унвони “Масъалаҳои мубрами Шарқи Наздик ва Миёна: раванди сулҳофаринӣ ва мубориза бо терроризм” бо даъвати олимону муҳаққиқон аз давлатҳои Олмон, Туркия, Афғонистон, Эрон ва Амороти Муттаҳидаи Араб баргузор менамояд.
   Конференсия дар толори маҷлисгоҳи Академияи илмҳои Ҷумҳурии Тоҷикистон баргузор шуда, дар он чунин масъалаҳо мавриди баррасӣ ва муҳокима қарор дода хоҳанд шуд:
  1. Таҷрибаи сулҳи Тоҷикистон ҳамчун модели сулҳофаринӣ барои кишварҳои буҳронзада;
  2. Раванди сулҳофаринӣ дар кишварҳои буҳронзадаи Афғонистон, Сурия, Ироқ, Фаластин, Яман ва ғайра;
  3. Нақши қудратҳои ҷаҳонӣ ва минтақавӣ дар ташкили музокироти сулҳи Афғонистон;
  4. Ҷараёни ҳамкориҳои кишварҳои абарқудрат ва минтақавӣ дар раванди сулҳофаринӣ дар кишварҳои буҳронии Шарқи Наздик;
  5. Ҳамкориҳои мутақобилаи кишварҳои минтақа ва таҷрибаи мавҷуда алайҳи терроризм ва экстремизм;
  6. Мақом ва ҷойгоҳи Созмони Милали Муттаҳид дар раванди сулҳофаринӣ дар ҷаҳони муосир;
  7. Омилҳои дохилӣ ва берунаи низоъ дар кишварҳои Шарқи Наздик: мушкилоти шинохт ва ташхиси он;
  8. Таҷрибаи миллии Тоҷикистон дар самти муқовимат бо экстремизм ва терроризм дар шароити муосир;
  9. Сиёсати кишварҳои минтақаи Осиёи Марказӣ дар самти ҳалли низоъҳои дохилии давлатҳои ҷангзадаи Шарқи Наздик;
  10. Ҷойгоҳи созмонҳои ҷаҳонӣ ва минтақавӣ аз қабили СКИ, СҲШ, СААД, ИДМ ва ғайра дар ҳалли низоъ ва муқовимат бо экстремизм ва терроризм.
   Бинобар ин, аз хоҳишмандон даъват ба амал оварда мешавад, ки барои иштирок ва маърӯза намудан дар Конференсияи мазкур номнавис шаванд.
   Забонҳои кории Конференсия: тоҷикӣ, русӣ, арабӣ ва англисӣ мебошанд.
   CV –и гузоришгарон то 15 апрели соли 2019 ва фишурдаи гузориш бо шрифти (Times New Roman, Times New Roman Tj), 14, фосилаи 1, то 20 апрели соли 2019 бо нишонаи электронии  This email address is being protected from spambots. You need JavaScript enabled to view it. ва This email address is being protected from spambots. You need JavaScript enabled to view it. ирсол карда шавад.
   Мӯҳлати ниҳоии ирсоли CV: 15 апрели  соли 2019.
   Мӯҳлати ниҳоии ирсоли фишурдаи гузориш: 20 апрели соли 2019.
   Макони баргузорӣ: 
Маҷлисгоҳи Академияи илмҳои Ҷумҳурии Тоҷикистон
   Масъули тамос: котиби Кумитаи тадорукот - С. Зиёев
МАЪМУРИЯТИ ИНСТИТУТ
Муфассал ...
Хондан 443 маротиба
Баҳодиҳии мавод
(0 Овозҳо)

Муаррифии китоби «Рӯдакӣ ва адабиёти араб»

   Дар доираи баргузории анҷумани илмии байналмилалӣ дар мавзӯи “Фалсафаи ашъори Рӯдакӣ, ки 25-уми январи соли 2019 дар Донишкадаи омӯзгории Тоҷикистон дар шаҳри Панҷакент баргузор гардид, китоби арабшиноси тоҷик, доктори илмҳои филологӣ, профессор Тоҷиддин Мардонӣ - «Рӯдакӣ ва адабиёти араб» рӯнамоӣ гардид.

   Зимни муаррифии китоби мазкур қайд гардид, ки Тоҷиддин Мардонӣ дар рисолаи худ нишон додааст, ки эҷодиёти устод Рӯдакӣ аз адабиёти қадими араб натанҳо таъсир пазируфтаааст, балки худ ба эҷодиёти шуарои арабзабон таъсир гузоштааст.

Муфассал ...
Хондан 1055 маротиба
Баҳодиҳии мавод
(1 Овозҳо)

МАВЛОНО – УҚЁНУСЕ КАШФНОШУДА. ОСОРУ ТАЪЛИМОТИ Ӯ ИМРӮЗ НИЗ АЛОҚАМАНДОНИ ЗИЁД ДОШТА, МОҲИЯТУ МУҲИМИЯТИ ХОССА КАСБ КАРДААСТ

   Олами тафаккури Мавлоно мисли уқёнуси бекарон аст ва барои шинохти ҷавҳари аслии таълимоти ин мутафаккир осори ӯро таҳқиқ бояд кард.

   Рӯзҳои 1920 октябр дар Душанбе бахшида ба зодрӯзи мутафаккири барҷаста Мавлоно Ҷалолиддини Балхӣ Симпозиуми байналмилалии илмӣ таҳти унвони «Мавлоно васлгари халқҳо ва тамаддунҳо» баргузор гардид. Дар ин ҳамоиш олимону муҳаққиқон ва донишмандон аз давлатҳои Тоҷикистон, Туркия, Ӯзбекистон, Эрону Афғонистон ва Германия иштирок ва тайи ду рӯз атрофи шахсият, осор, тафаккур ва паҳлуҳои таҳқиқнашудаи эҷодиёти Мавлоно баҳсу мунозираҳо доир намуданд.

    Мавриди зикр аст, ки дар Симпозиуми байналмилалӣ ғайр аз олимону муҳаққиқони Тоҷикистону давлатҳои хориҷӣ, инчунин ҳаводорони осори ин мутафаккири барҷаста иштирок намуданд. Толори Китобхонаи миллии Тоҷикистон, ки дар он Симпозиуми байналмилалӣ баргузор шуд, пур аз алоқамандони Мавлоно Ҷалолиддини Балхӣ буд ва қисме аз иштирокдорон ҳатто рост истода, рафти симпозиумро мушоҳида мекарданд. Ин аз он шаҳодат медиҳад, ки Мавлоно ва осору таълимоти ӯ имрӯз низ алоқамандони зиёд дошта, моҳияту муҳимияти фавқулода касб кардааст. Махсусан дар замони бархӯрди тамаддунҳо, авҷи ифротгароиву тундгароии динӣ андешаҳои орифона ва таълимоти дар асоси арзишҳое, чун таҳаммулпазирӣ ва ҳамзистӣ бунёдёфтаи Мавлоно аз ҳарвақта бештар муҳимият пайдо намудаанд. Ин нуктаро аксари иштирокдорони ҳамоиш зимни суханрониҳои худ таъкид намуданд.

Муфассал ...
Хондан 1131 маротиба
Баҳодиҳии мавод
(0 Овозҳо)

Дар бораи мо

 Институти омӯзиши масъалаҳои давлатҳои Осиё ва Аврупо муассисаи навтаъсиси илмӣ-тадқиқотӣ буда, он бо Қарори Ҳукумати Ҷумҳурии Тоҷикистон аз 28 октябри соли 2016 №466 дар сохтори Академияи илмҳои Ҷумҳурии Тоҷикистон ташкил шудааст. Институти мазкур ягона муассисаи илмиест, ки ба омӯзиши сиёсат, иқтисоди ҷаҳон, афкори иҷтимоӣ, забон, адабиёт, таърих, ҷунбишҳои динию идеологӣ ва сиёсӣ, низоъҳои минтақавӣ дар кишварҳои Осиё, Аврупо ва Америка машғул мебошад. 

Самтҳои ҳамкорӣ

  • таҳқиқ ва таҳлили масъалаҳои вобаста ба сиёсат, иқтисодиёт, иҷтимоиёт, тамаддун, фарҳанг ва забони кишварҳои хориҷӣ аз нигоҳи илми муосир;
  • омӯзиши масъалаи рушди иҷтимоӣ-сиёсӣ, сохтори идоракунӣ, сисёсати инноватсионии давлатҳои хориҷӣ;
  • ташкили конференсияҳои илмӣ, семинарҳо ва мизҳои мудаввар дар мавзӯъҳои гуногун;
  • ташкили курсҳои кӯтоҳмуддат ва дарозмуддати забономӯзӣ.
Copyright © 2019 Институти омӯзиши масъалаҳои давлатҳои Осиё ва Аврупо. All Rights Reserved. Designed by IBlove
http://www.zoofirma.ru/