wrapper

Конференсия ва семинар

Иқтисоди Олмон дар вазъи пандемияи COVID-19

Имрӯз (23.02.2021) бо ташаббуси Шуъбаи Аврупо ва Амрикои Институти омӯзиши масъалаҳои давлатҳои Осиё ва Аврупои Академияи миллии илмҳои Тоҷикистон семинари илмӣ-амалии “Иқтисоди Олмон дар вазъи пандемияи COVID-19” баргузор гардид, ки дар семинар тамоми кормандони Институт иштирок намуданд.
Мудири шуъба, доктори илмҳои таърих, профессор Санавбарбону Воҳидова суханронӣ намуда, роҷеъ ба мушкилоти пандемияи COVID-19 ибрози ақида намуда, аз ҷумла гуфтанд, ки ки иқтисоди кишвари Олмон иқтисоди калонтарини Аврупо ба ҳисоб рафта, дар натиҷаи тадқиқоти илмӣ такмили равандҳои саноат таҷрибаи донишҳои лаботраторӣ, истеҳсоли рақобатпазир ва аз ҳама муҳим дорои сармояи бузурги инсонӣ ба даст омадааст.
Пеш аз ҳама иқтисоддонҳои аврупоӣ пешгӯӣ мекарданд, ки бо “Хурӯҷи Бритониё” аз Иттиҳоди Аврупо иқтисодиёти Аврупо алалхусус Олмон то муддате дар ҳоли сукут қарор мегирад ва баъдтар танзим мешавад.  Яке аз сабабҳои аслии хурӯҷи Бритониё аз “иттиҳод” аз даст додани бозорҳои фурӯш ва зери таъсири иқтисоди Олмон қарор гирифтани ӯ буд.
Агар Бритониё аз Иттиҳоди Аврупо ҳар чи зуд хориҷ намешуд, истеҳсолоти дохилӣ коста намешуд ва дар бозору марказҳои савдо ҳатто хурдтарин маҳсулот зери бренди “Made in Germany” намудор мешуд. Дар Олмон мағозаҳо, тарабхонаҳо, осорхонаҳо баста шуда хиёбонҳои холӣ ба назар мерасад.
Ҳамчунин ба гуфтаи муаллима раиси комиссияи Иттиҳоди Аврупо Урсула Фон дер Ляйен дар нишасти матбуотӣ қайд намуд, ки аз 50 то 70 млн аҳолии Аврупо ба таври ройгон ваксинатсия мегузаранд:
“Қобили зикр аст, ки Олмон дар кишварҳои Аврупо яке аз аввалинҳо шуда, оқибатҳои манфии пандемияро аз сар гузаронид, ки ин ба сатҳи баланди кушоди иқтисод мутаносибан аз содирот ва воридоти молҳо вобастааст. Як қатор соҳаҳо қатъ карда шуданд, кормандон ба ҳафтаи кӯтоҳи корӣ гузаронида шуданд. Бо вуҷуди ин пешгӯиҳои вазири иқтисоди Олмон Петр Алтмайер қайд намудааст, ки дар соли 2021 иқтисоди Олмон 4,4 дарсад афзоиш хоҳад ёфт”.
Бояд гуфт, ки Олмон “Пешвои Иттиҳоди Аврупо” номида мешавад, ки дар якҷоягӣ бо Фаронса, на танҳо ба тасмимгирии сиёсии кишварҳои ИА таъсир мерасонад, балки ин ду кишвар самтҳои асосии ҳамкории иқтисодии Иттҳоди Аврупоро муайян мекунад. Аз ин рӯ Олмонро беҳуда муҳаррики иқтисоди Аврупо ном намебаранд.
Имрӯзҳо дар раванди таҷлили 28-умин солгарди Қувваҳои мусаллаҳи Ҷумҳурии Тоҷикистон қарор дорем ва бояд гуфт, ки тайи 28 соли фаъолият Қувваҳои мусаллаҳи Ҷумҳурии Тоҷикистон рӯзҳои сахту сангинро паси сар карда, аз озмоишҳои шадиди ин солҳо гузаштанд ва имрӯз ба нерӯи қудратманди низомӣ, муҳофизи сулҳу субот ва фазои орому осудаи кишвар табдил ёфтанд ва барои ҳифзи марзу буми ватани азиз собитқадамона рушду такмил меёбанд.
 
           Аё кишвари ман ту гавҳари ман,
           Ҳамеша бошӣ сарсабз, аё сарзаминам!
           Муборак бодо иди артиш ай далерон!
           Кунун иди шумо аст, родмардон.
 
Ва ман аз фурсати муносиб истифода бурда, тамоми родмардони ҷасуру ғайюри кишварро бо ин рӯзи идашон табрику муборакбод гуфта, инчунин кормандоне, ки дар сафҳои қувваҳои мусаллаҳи ҷумҳурӣ адои хизмат намуданд, табрику таҳният гуфта, ба онҳо пеш аз ҳама тансиҳатӣ, хушбахтии аҳли байт, иродаи қавӣ ва энержии мусбат, дар шоҳроҳи зиндагӣ ҳамеша саршор аз ишқ бошед!
 
 Санавбарбону Воҳидова,
мудири Шуъбаи Аврупо ва Амрико
д.и.т., профессор 
Муфассал ...
Хондан 436 маротиба
Баҳодиҳии мавод
(0 Овозҳо)

Нақши Мирзо Муллоаҳмад дар рушди адабиётшиносӣ

Имрӯз (19.02.2021) дар Институти омӯзиши масъалаҳои давлатҳои Осиё ва Аврупои Академияи миллии илмҳои Тоҷикистон семинари илмӣ-амалӣ дар мавзӯи “Нақши Мирзо Муллоаҳмад дар рушди адабиётшиносӣ” баргузор гардид, ки дар кори семинар ҳайати  ходимони илмӣ ва кормандони Институт суханронӣ намуда, доктори илмҳои филология, профессор, узви вобасти Академияи миллии илмҳои Тоҷикистон, устод Мирзо Муллоаҳмадро бо ҷашни фархундааш – 73-умин солгарди зодрӯзашон табрику таҳният намуда, ба ӯ комёбиҳои нав ба нави илмию эҷодӣ, саломатӣ ва рӯзгори пурсаодатро орзу намуданд.
Хондан 353 маротиба
Баҳодиҳии мавод
(0 Овозҳо)

Сарватҳои табиии Афғонистон ва бархӯрди абарқудратҳо

Имрӯз (16.02.2021) дар Институти омӯзиши масъалаҳои давлатҳои Осиё ва Аврупои Академияи миллии илмҳои Тоҷикистон семинари илмӣ-амалӣ таҳти унвони «Сарватҳои табии Афғонистон ва бархурди абарқудратҳо» баргузор гарид, ки дар ин семинар Одинаев Абдуҳалим, ходими пешбари илмии Институт суханронӣ намуд. Дар кори семинар устодону кормандон ва магистрантону докторантони Институт иштирок карда, фикру мулоҳизаҳои худро иброз намуданд. Муфассал ...
Хондан 504 маротиба
Баҳодиҳии мавод
(0 Овозҳо)

Корманди Институти Осиё ва Аврупо бо “сипоснома”-и ҲХДТ қадрдонӣ шуд

Ҳикматулло Хоҷаев, корманди Институти омӯзиши масъалаҳои давлатҳои Осиё ва Аврупои Академияи миллии илмҳои Тоҷикистон барои саҳми арзанда гузоштан дар корҳои ташкилию сиёсии Ҳизби халқӣ-демократии Тоҷикистон дар ҷомеа бо сипосномаи ҳизб сарфароз гардид. Муфассал ...
Хондан 605 маротиба
Баҳодиҳии мавод
(0 Овозҳо)
 
http://www.zoofirma.ru/