wrapper

Хабарҳо

ИОМДОА

ИОМДОА

Тоҷикистон – Ӯзбекистон: ҳамкориҳои илмию фарҳангӣ боз ҳам инкишоф меёбанд

Рӯзҳои 14-15 сентябри соли 2020 дар бинои Китобхонаи Миллии Тоҷикистон, бо ташаббуси Академияи Миллии илмҳои Тоҷикистон ва Академияи фанҳои Ҷумҳурии Ӯзбекистон таҳти унвони «Саҳми Пешвоёни Тоҷикистон ва Ӯзбекистон дар мустаҳкам намудани дӯстӣ, некҳамсоягиву боварӣ, кушодани саҳфаҳои нав дар муносибатҳои шарикии стратегӣ» конфронси илмӣ-амалӣ доир гардид.
Конфронсро Президенти Академияи Миллии илмҳои Тоҷикистон, муҳтарам Фарҳод Раҳимӣ бо нутқи табрикӣ кушода эълон намуд. Дар маросими кушодашавии форум, ҷонишини аввали спикери палатаи Қонунгузории Маҷлиси Олии Ҷумҳурии Ӯзбекистон Акмал Саидов, сафири фавқулодда ва мухтори Ӯзбекистон дар Тоҷикистон Эргаш Шоисматов ва академикҳо М. Илолов, К. Олимов ва дигарон бо маърӯзаҳои илмӣ баромад карданд. Баъдан иштирокчиёни форум тибқи мазмуну мантиқи маърӯзаҳои илмӣ ба чаҳор шуъба (сексия) тақсим шуда дар толорҳои алоҳида ба кор шурӯъ намуданд:
1) «Ҳолати муносибатҳои сиёсии Тоҷикистон ва Ӯзбекистон ва истиқболи рушди он».
2) «Муносибатҳои иқтисодӣ ва истиқболҳои рушди он».
3) «Ҳолат ва истиқболи муносибатҳои маданӣ».
4) «Муносибатҳои байнидавлатии Ҷумҳуриҳои Тоҷикистон ва Ӯзбекистон дар соҳаи илм».
Ба ҳар як зершуъба (сексия)-и конфронс аз ду ҷониб (Тоҷикистону Ӯзбекистон) як нафарӣ баранда тайин шуданд.
Маърӯзаҳои илмӣ масъалаҳои мубрами рӯзро тақозо мекард. Мисол: «Илм ва технология сарҳад намедонад» (М. Илолов, академик, Тоҷикистон); «Ҳамкориҳо дар соҳаи транспорт ва энергетика ва роҳҳои рушди он» (профессор Б. Эргашев, Ӯзбекистон); «Дӯстии халқҳо – калиди ҳама муаммоҳост» (дотсент Ф.Х. Қурбонов, Тоҷикистон); «Муаммоҳои замонавии сейсмология ва роҳҳои ҳалли он» (В. Рафиқов, Ӯзбекистон); «Робитаҳои маданӣ байни Тоҷикистон ва Ӯзбекистон дар давраи истиқлолият» (д.и.т. Б.Т. Қобилова, Тоҷикистон); «Технологияи ядровӣ ва истифодаи он дар тиббиёт, хоҷагии қишлоқ ва индустрияи саноат» (М. Ташметов, Ӯзбекистон); «Муносибатҳои Тоҷикистон ва Ӯзбекистон дар давраи истиқлолият» (дотсент, А.М. Гафуров, Тоҷикистон) ва ғайра манзури иштирокчиён гардидаанд.
 Дар форум ҳамагӣ 57 маърӯза шунида ва муҳокима карда шуд. Ғайр аз маърӯзачиён зиёда аз 200 нафар шунавандагон иштирок намудаанд. Дар чеҳраҳои иштирокчиёни форум кайфияти баланди дӯстиву рафоқат ва меҳру муҳаббат ба ҳамдигар ҷилвагар буд. Хазинаи дӯстии ҳар ду тараф боз ҳам ғанитар гардид.
Бояд тазаккур дод, ки дар арафаи конфронси илмӣ дар доираи форум байни Институти давлатии маданият ва санъати Ӯзбекистон ва Институти давлатии санъат ва маданияти Тоҷикистон ба номи М. Турсунзода «Дар бораи муносибатҳои мутақобила ва ҳамкорӣ» созишнома имзо карда шуд. Ректори Институти номбурдаи Ӯзбекистон, профессор Йӯлдошев Иброҳим Ҷӯраевич ба суоли ман посух дода созишномаро чунин шарҳ дод: «Мувофиқи шартномаи мазкур толибилмони тоҷик бо миқдори маълум (20 нафар дар муддати 2 моҳ ҳар сол ба институти мо омада таълиму таҷриба меомӯзанд ва дар навбати худ донишҷӯёни мо ба Институти санъат ва маданияти Тоҷикистон – ш. Душанбе меоянд. Амалиёти мазкур аз ду ҷониб дар як вақт гузаронида мешавад. Ҳамаи хароҷот ҳарсола дар давоми ду моҳ ба зимаи мо гузошта мешаванд. Ҷуз аз таълиму тарбия, мақсади асосии мо ҷавононро ба ҳамдигар наздик ошно намудан, дар байни онҳо риштаҳои дӯстиву рафоқат ва меҳрубониро пойдор сохтан аст».
Баъди анҷоми конфронс меҳмонони Ӯзбекистонӣ мавзеҳои ҷолиби таъби дили шаҳри ҳуснорои Душанберо сайру гашт намуда хайру хуш намудаанд.

Сарчашма: рӯзномаи «Халқ овози» № 37 (201970) аз 17.09.2020

Қ
урбонов Ф.Х.,
н.и.т., дотсент,
корманди калони илмии
Институти Осиё ва Аврупои
Академияи Миллии илм
ҳои Тоҷикистон,
иштирокчии форум.
Муфассал ...

Бархӯрд бо терроризм ва роҳи минбаъдаи ҳифзи сулҳу оромиш

Шаклгирии вазъияти имрӯзаи геосиёсӣ дар Осиёи Марказӣ нишондиҳандаи он аст, ки Тоҷикистон дар фазои минтақа ҳамчун давлати миллии соҳибихтиёр дар муқобили ҳама гуна таҳдиду хатарҳои террористону ифротгароён мубориза мебарад ва устувории худро дар баробари бадхоҳонаш кафолат медиҳад. Аммо ин ҷо суоле ба миён меояд, ки оё хатари исломи сиёсии радикалиро қишрҳои дигари ҷомеа дарк кардаанд? Муфассал ...

Сарватҳои табиии Ҷумҳурии Исломии Афғонистон ва бархӯрди абарқудратҳо

Беш аз 40 соли задухӯрди хунин дар Ҷумҳурии Исломии Афғонистон, майдони рақобатҳои сиёсию геополитикии кишварҳои абарқудрат дар ин сарзамин, таблиғоти тарафҳои манфиатхоҳ нооромӣ ва ҷангро дар ин кишвар аз тариқи расонаҳои гуногуни ҷаҳонӣ бисёр муболиғаомез ба ҳамагон нишон медиҳанд, ки мардум чунон тасаввур мекунанд, ки ин як кишвари ноамну ақибмонда буда, ба ҳеҷ ваҷҳ дар баробари дигар кишварҳо муқоиса карда намешавад. Муфассал ...
 

Дар бораи мо

 Институти омӯзиши масъалаҳои давлатҳои Осиё ва Аврупо муассисаи навтаъсиси илмӣ-тадқиқотӣ буда, он бо Қарори Ҳукумати Ҷумҳурии Тоҷикистон аз 28 октябри соли 2016 №466 дар сохтори Академияи илмҳои Ҷумҳурии Тоҷикистон ташкил шудааст. Институти мазкур ягона муассисаи илмиест, ки ба омӯзиши сиёсат, иқтисоди ҷаҳон, афкори иҷтимоӣ, забон, адабиёт, таърих, ҷунбишҳои динию идеологӣ ва сиёсӣ, низоъҳои минтақавӣ дар кишварҳои Осиё, Аврупо ва Америка машғул мебошад. 

Самтҳои ҳамкорӣ

  • таҳқиқ ва таҳлили масъалаҳои вобаста ба сиёсат, иқтисодиёт, иҷтимоиёт, тамаддун, фарҳанг ва забони кишварҳои хориҷӣ аз нигоҳи илми муосир;
  • омӯзиши масъалаи рушди иҷтимоӣ-сиёсӣ, сохтори идоракунӣ, сисёсати инноватсионии давлатҳои хориҷӣ;
  • ташкили конференсияҳои илмӣ, семинарҳо ва мизҳои мудаввар дар мавзӯъҳои гуногун;
  • ташкили курсҳои кӯтоҳмуддат ва дарозмуддати забономӯзӣ.
http://www.zoofirma.ru/