МАКТУБИ ИТТИЛООТӢ

        Шӯъбаи ШМА ва Канадаи Институти омӯзиши масъалаҳои давлатҳои Осиё ва Аврупои Академияи миллии илмҳои Тоҷикистон дар таърихи 30 марти соли 2026 Конференсияи илмию амалии ҷумҳуриявиро таҳти унвони «Неруи нарм ва дипломатияи мардумӣ ҳамчун омили муассир дар муносибатҳои байналмилалӣ ва татбиқи он дар Тоҷикистон» баргузор менамояд.

        Дар конференсия масъалаҳои зерин мавриди баррасӣ қарор хоҳанд гирифт:

• Мафҳум, назария ва равишҳои таҳлили  падидаи «неруи нарм» дар муносибатҳои байналмилалӣ;
• Дипломатияи мардумӣ ҳамчун унсури сиёсати хориҷӣ ва механизми таъсиргузорӣ ба афкори ҷомеа;
• Робитаи неруи нарм бо дипломатияи фарҳангӣ, дипломатияи ҷамъиятӣ ва брендсозии миллӣ;
• Нақши ҷомеаи шаҳрвандӣ, ташкилотҳои ҷамъиятӣ ва ВАО дар ташаккул ва татбиқи неруи нарм;
• Татбиқи неруи нарм дар сиёсати хориҷии Тоҷикистон: таҷриба, имкониятҳо ва маҳдудиятҳо;
• Истифодаи воситаҳои рақамӣ (дипломатияи рақамӣ, шабакаҳои иҷтимоӣ) дар рушди дипломатияи мардумӣ;
• Ҳамкориҳои байналмилалӣ дар соҳаи маориф, илм, фарҳанг ва сайёҳӣ ҳамчун захираҳои неруи нарм;
• Дурнамо ва тавсияҳои амалӣ ҷиҳати тақвияти неруи нарм ва дипломатияи мардумии Тоҷикистон.

        Дар кори конференсия иштироки олимон, коршиносон, намояндагони вазорату идораҳои давлатӣ ва ташкилотҳои ҷамъиятӣ дар назар дошта шудааст.

Забонҳои кории конференсия: тоҷикӣ, русӣ, англисӣ.

        Риояи меъёрҳои навиштани мақолаи илмӣ ҳатмист. Матнҳои ирсолшуда бояд таҳриршуда ва ба талабот ҷавобгӯй бошанд. Матни мақола набояд аз 8-саҳифа (формати-А4) зиёд бошад. Мақола бояд бо шрифти Тimes New Roman TJ, андозаи ҳарф - 14 ва фосилаи байни сатрҳо 1,5 пешниҳод гардад.

        Муҳлати қабули мақолаҳо - то 10-уми март соли 2026.

        Нишонӣ барои ирсоли мақолаҳо: Шӯъбаи ШМА ва Канадаи ИОМДОА АМИТ, ш. Душанбе, хиёбони Рӯдакӣ, 33.

Почтаи электронӣ: nekbaht2004@mail.ru, dep.use.canada@gmail.com

Телефонҳо барои тамос: (992) 174665005, 935219683

Шахси масъул: Дороншоева Н.Ш.